અમને ફોન કરો
⁦(718) 351-3045⁩
રેફરલ મોકલો
સુલભતા

સુલભતા અંગેનું નિવેદન

અમે જેમની સેવા કરીએ છીએ તેમાંના ઘણા લોકો શ્વાસની બીમારીઓ, હલનચલનની મર્યાદા, કે નબળી દૃષ્ટિ સાથે જીવે છે. અમે ઇચ્છીએ છીએ કે આ વેબસાઇટ એ બધા માટે કામ કરે, અને તેમને મદદ કરતા સંભાળ રાખનારાઓ અને તબીબી સ્ટાફ માટે પણ.

છેલ્લે અપડેટ કર્યું: 2 ઑક્ટોબર 2026

આ અનુવાદ તમારી સગવડ માટે આપવામાં આવ્યો છે. જો આ અનુવાદ અને અંગ્રેજી આવૃત્તિ વચ્ચે કોઈ તફાવત હોય, તો અંગ્રેજી આવૃત્તિ લાગુ પડશે.

અમારું ધોરણ

અમારું લક્ષ્ય Web Content Accessibility Guidelines (WCAG) આવૃત્તિ 2.1 ના AA સ્તરને પૂરું કરવાનું છે. આ માર્ગદર્શિકાઓ સમજાવે છે કે વેબ સામગ્રીને અનેક પ્રકારની વિકલાંગતા ધરાવતા લોકો માટે ઉપયોગી કેવી રીતે બનાવવી, જેમાં સ્ક્રીન રીડર, ફક્ત કીબોર્ડથી નૅવિગેશન, કે સ્ક્રીનને મોટી કરતાં સાધનો વાપરતા લોકોનો સમાવેશ થાય છે.

અમે કેવી રીતે તપાસીએ છીએ

આ સાઇટનું દરેક પાનું axe સુલભતા એન્જિનથી WCAG 2.1 ના A અને AA સ્તરના નિયમો સામે, ડેસ્કટૉપ અને ફોન બંને માપે, અને Google Lighthouse થી તપાસવામાં આવે છે. 2 ઑક્ટોબર 2026 ના રોજ થયેલી અમારી સૌથી તાજેતરની સમીક્ષામાં, આ ઑટોમેટિક તપાસોમાં કોઈ ઉલ્લંઘન મળ્યું નથી. ઑટોમેટિક સાધનો ઘણી સમસ્યાઓ પકડી લે છે પણ બધી નહીં, તેથી અમે કીબોર્ડથી જાતે પણ તપાસીએ છીએ, અને સાઇટ વાપરતા લોકોના પ્રતિભાવ પર અમલ કરીએ છીએ.

અમે શું કર્યું છે

  • દરેક પાનું ફક્ત કીબોર્ડથી વાપરી શકાય છે. Tab દબાવો ત્યારે “મુખ્ય માહિતી પર જાઓ” લિંક દેખાય છે.
  • ક્લિક કરી શકાય એવા ભાગોની આસપાસ સ્પષ્ટ લીલી ફોકસ રેખા દેખાય છે, જેથી તમે ક્યાં છો તે જોઈ શકો.
  • લખાણ અને પૃષ્ઠભૂમિના રંગો માર્ગદર્શિકાઓ માગે છે તે 4.5:1 (4.5 સામે 1) નો કૉન્ટ્રાસ્ટ ગુણોત્તર પૂરો કરે છે, નાનાં લેબલ અને ઝીણા લખાણ સહિત.
  • અર્થ ધરાવતાં ચિત્રો સાથે લેખિત વર્ણન છે. સુશોભન માટેનાં ચિત્રો સ્ક્રીન રીડરથી છુપાવેલાં છે.
  • પાનાંમાં યોગ્ય મથાળાં અને સીમાચિહ્નો (landmarks) વાપર્યાં છે, જેથી સ્ક્રીન રીડર વાપરનારા એક વિભાગથી બીજા વિભાગ પર જઈ શકે.
  • ફોટો ગૅલરી કીબોર્ડથી ખોલી, આગળ-પાછળ કરી, અને બંધ કરી શકાય છે. તે હાલના ચિત્ર વિશે બોલીને જણાવે છે, અને Escape દબાવો ત્યારે તમને પાના પર પાછા લઈ જાય છે.
  • વીડિયો પાનાની અંદર જ YouTube નાં સામાન્ય નિયંત્રણો સાથે ચાલે છે, અને તમે જાતે શરૂ ન કરો ત્યાં સુધી કંઈ ચાલતું નથી.
  • New York ની કાઉન્ટીઓના નકશા સાથે બધી 62 કાઉન્ટીઓની સાદી લેખિત યાદી પણ છે, જેથી એ જ માહિતી નકશા વગર પણ મળી શકે.
  • જે લિંક બીજી વેબસાઇટને નવા ટૅબમાં ખોલે છે, તે સ્ક્રીન રીડરને આ વાત જણાવે છે.
  • જેમના ડિવાઇસ પર હલનચલન ઓછું કરવાનું (reduce motion) સેટિંગ હોય, તેમના માટે હલનચલન અને બદલાવની અસરો (ઍનિમેશન) બંધ થઈ જાય છે.
  • પાનાની ગોઠવણ ફોન, ટૅબ્લેટ, અને ઝૂમ કરેલાં ડેસ્કટૉપ બ્રાઉઝર પ્રમાણે બદલાઈ જાય છે, અને બાજુમાં સ્ક્રોલ કરવું પડતું નથી.
  • મોબાઇલ પર ફોન નંબરને અડકીને સીધો ફોન કરી શકાય છે.

જાણીતી મર્યાદાઓ

  • અમારા YouTube વીડિયોનાં સબટાઇટલ (કૅપ્શન) આપમેળે બને છે, તેથી તેમાં ભૂલો હોઈ શકે છે. જો કોઈ વીડિયો સ્પષ્ટ ન હોય, તો અમને ફોન કરો.
  • ઉત્પાદનોના કેટલાક ફોટામાં પૅકિંગ કે માપના ચાર્ટ દેખાય છે, જેના પર છાપેલું લખાણ પાના પર ફરીથી લખ્યું નથી. અમને ફોન કરો, અમે વિગતો વાંચી સંભળાવીશું કે તમને મોકલી આપીશું.
  • અમે જે વેબસાઇટોની લિંક આપીએ છીએ, જેમ કે વીમા પ્લાનની સાઇટો, તે અમારા નિયંત્રણની બહાર છે, અને કદાચ એ જ ધોરણ પૂરું ન કરે.

મદદ જોઈએ છે કે કોઈ સમસ્યા મળી?

જો આ સાઇટનો કોઈ પણ ભાગ વાપરવો મુશ્કેલ હોય, અથવા તમને માહિતી બીજા સ્વરૂપમાં જોઈતી હોય, જેમ કે મોટા અક્ષરોમાં, તો અમને ⁦(718) 351-3045⁩ પર ફોન કરો, સોમવારથી શુક્રવાર, સવારે 9 થી સાંજે 5 વાગ્યા સુધી (ન્યૂયૉર્કનો સમય), અથવા info@wellness-supplies.com પર ઈમેલ કરો. અમને પાના વિશે અને શું ખોટું થયું તે જણાવો. અમે તમને જોઈતી માહિતી આપીશું અને તમારા પ્રતિભાવથી સાઇટ સુધારીશું. અમે બે કામકાજના દિવસમાં જવાબ આપવાનો પ્રયત્ન કરીએ છીએ.

ફોન દ્વારા મદદ

આ સાઇટ પર થતું દરેક કામ ફોન દ્વારા પણ થઈ શકે છે. ⁦(718) 351-3045⁩ પર ફોન કરો, અને અમારી ઑફિસની કોઈ વ્યક્તિ ઑર્ડર, પ્રશ્નો, બદલવા માટેના ભાગો, અને રેફરલમાં મદદ કરશે. અમે આપીએ છીએ તે મફત વાતચીત સહાય અને ભાષા સેવાઓ માટે અમારી ભેદભાવ ન કરવા અંગેની નોટિસ પણ જુઓ.